ViewTube

年尾流流，不鳥忙著大掃除，上堂和一些老友飯局，冇咩靈感整片，順便偷下懶俾對老花眼休息下😵😆... 下一條片我都唔知幾時有🤣🤣
咁啱見到長者優惠頂住先，身邊如果有長者適用記住話俾佢地知呀😘😘

長者優惠2025｜ 「愛心食肆 賞你惠食｜政府於1月14日舉行「愛心食肆 賞你惠食」計劃啟動禮，宣佈即日起向約5萬名獨居長者、雙老住戶和隱蔽長者派發餐飲優惠劵，每位合資格長者可獲一套 5 張，每張可以當作 $25 使用，並享用指定集團美食（麥當勞、美心、大快活、大家樂、太興），包括麥當勞魚柳包餐、大家樂焗豬扒飯 、太興叉燒煎蛋飯、美心海南雞飯、大快活無味精咕嚕肉飯。由年初一到三月底可以憑券以25蚊優惠價，在這5間飲食集團旗下食肆享用以上指定菜式，向各位老友記送暖！

長者優惠2025｜「愛心食肆 賞你惠食」優惠劵申請教學 「愛心食肆 賞你惠食」計劃由即日起將透過全港 18區，一共214 間津助長者中心，包括41間長者地區中心及172間長者鄰舍中心，向獨居長者、雙老住戶和隱蔽長者派發 $25 餐飲優惠券，可於1月29日（年初一）至3月31日期間使用優惠券。津助長者中心分為「長者地區中心」以及「 長者鄰舍中心」，包括東華三院、保良局、救世軍、明愛等各大社福機構。長者可先向居住地區附近的津助長者中心登記成為會員，再由所屬社區中心派發優惠券。 

報告🫡 N+TV終於到達10萬訂閱啦！🥳🥳❤️🩷🧡💛💚
衷心感謝每一位支持不鳥的朋友，幫我人生成就解鎖！由Yo不鳥，變成You不鳥，終於變成真正的Youtuber不鳥！🙇‍♂️🙏🙏感謝各位讓我到達人生高光時刻！！
如果冇大家的支持，我就不能走到今天。這成就大家都份的，我也與大家一同分享這份喜悅🥰

我的第一條片是2023年3月6日，到剛剛的周日12月15日，過了大約1年9個月。
光陰似箭啊！🏃‍♂️

由講笑話，教英文，歌都唱埋，到講投資理財和長者退休福利... 😆 全部都係美好回憶。🥰

或者哪怕呢個N+TV頻道會停更，哪怕再冇咩人睇... 
直到今天，大約有580萬人次睇過，總觀看時間是55.2萬小時，換成一個人就是63年。
當你睇左一分鐘不鳥的影片，我們就了一分鐘朋友。
學阿飛正傳張國榮話齋：‘’因為你，我會記得那一分鐘，我們就是一分鐘的朋友，這是事實，你改變不了。‘’
這一分鐘已經是永恆！💫❤️
大家在此為我見証，不鳥在悠長的人類歷史中留下了一條腳毛🤣🤣 

10萬訂閱，循例都要搞返個Q&A先得，如果大家有問題都可以告訴我，唔涉及私隱，答到的盡量答😁😄 要夠問題先開到一集呀，唔夠就冇架啦😂

感恩的不鳥字 

請小心騙子！！ 不要輕信！！

網上好多騙子，不鳥的影片才上了2天，但剛剛看到已經有不法之徒已盜用我這條片的封面在fb廣告假扮林本利博士呃人加whatsapp群組。請不要相信！一般不會叫人加入這類群組的。
聲明：該廣告（見圖1）與不鳥或N+TV絕無任何關係！順帶一提，不鳥現時亦只有youtube一個社交媒體帳號，暫時沒有其他社交媒體帳號，也沒有舉辦任何課程，也不會叫大家加任何的群組，敬請留意🙏

雖然不鳥不認識林博士，不過如果大家對他的課程有興趣，請到林博士教育機構的官方網站，不要相信任何叫你加入群組的廣告。🙏🙏

我在fb找‘’林本利‘’的專頁，出現超過50個偽冒專頁，林博士的專頁超過2萬人追蹤，其他都是假的，大家務必小心！😊 

身體抱恙，喉痛，個腦實晒🤢，整片無晒靈感...諗左幾日都係0，要休息下... 今個星期出唔到片🙏 🙇‍♂️🙇‍♂️ 

唔知大家睇左第84集銀色債券攻略+長者咭優惠周精選未？
老友記或孝順的子女們，未睇記住去睇下啦！

免責聲明：以下只是教學分享，非任何投資建議：
我講漏了一個未必適合申請銀債的情況：
就是如果長者快65歲即將可以拿長者生活津貼的情況要留意。

比如快65歲的單身長者有100萬，而上年已申請23萬銀債，
如果今年再中23手銀債，共46萬，由於銀債計入長生津資產，
所以已超出長生津資產限額的40.1萬，未能申請。
這種情況考慮把剩下的77萬，部份買入年金，
因為能豁免資產，能夠取得長生津每月$4,195。

做法1: 46萬銀債+50萬定存+4萬備用金
$46萬買入銀債 (2023和2024，每月$1,725)
+$50萬定期存款(假設3.5厘，每月$1,458)
=每月現金流$3,138

做法2: 23萬銀債(2023年買，5厘) + 60萬年金 +17萬備用 + 長者生活津貼
 $23萬銀債，每月$958
+$60萬金，每月$3,820
+成功申請長生津，每月$4,195
＝每月現金流$8,973

所以，做法2買入年金申請長生津，比起做法1買銀債加定期，每月現金流多出$5,835。
做法2住公屋好大可能被動收入已做到收支平衡；
做法1就可能每月入不敷支，要動用到本金。

---
2夫婦2份長生津情況一樣(長生津資產限額60.8萬)，拿2份長生津每月$8,390，
比起把錢放到銀債(如因此導致不合資格拿長生津)吸引。

大家要因應自己的情況，計一計整條大數哪個更吸引，
開支和長遠計入通脹是否夠用等整體情況再自行決定哪個方案更好。😊 

報告🫡N+TV到達75,000訂閱啦！！😊🥰即是10萬訂閱的4份之3路程了！🤗🤗❤️🩷🧡💛💚💙🩵💜🤎 也為自己記錄一下。
同時感謝各位的支持和鼓勵🥰🥰🤩🙏🙏

數學題：
50,000... 2份之1
60,000... 
66,666... 3份之2
70,000...
75,000... 4份之3

下一步是甚麼？😆

不鳥覺得自己偍唐僧取西經👩‍🦲🐒🐖🧔‍♀️🫏

近來訂閱加速，某程度因為在youtube做了些宣傳，也當然絕對還是要靠大家的訂閱🥳🥳
過程中學到了一些新知識，也明白了更多youtube生態，還有一些感悟，有機會和大家分享。

在我一年多前開始做youtube的時候，跟現在已改變不了。一年前打開熱爆影片，都是一些流行歌曲和一些有養份內容的長視頻；現在打開，大部份都是短視頻，不禁看一看....看完的反應是😵‍💫😑 
再看現在最多流量的頻道內容... 何生何太.. 數以幾百集的何生何太... 一個月過千萬views的流量。
同樣，有的有內容的youtubers更新頻率也開始減低，劣幣驅逐良幣？
沒有流量，沒有收入，減少出片也很正常。

朋友問我做N+TV又沒有賺甚麼錢，是為了甚麼?
😂😂我也常常在問自己這個問題... 我想今年有很多youtubers也在想這個問題... 

為興趣？我很喜歡創作和分享。🤗

為錢🤑？我也想賺些錢，多一些被動收入，邊個唔想？但其實現在我這種工作模式，更像是富爸爸所說的S象限（個人工作者或專業人士）而不是B象限（企業家）。該如何轉化？有廣告又不接，有人叫我開patreon和教班又冇開... 未想到如何閒雲野鶴自由自在之餘，不被廣告影響內容，又可持續在金錢上長期支持自己發展創作的方向。我想只係寫內容揾人後製整片，但人工高，只靠youtube微薄收入，唔開班唔接業配，根本支持唔到。點解隔黎台日更，一日出幾條片，有聲冇片冇字幕，重覆講類似既野都咁多人睇？每日都思考人生中😅 

為貢獻社會？直到現在，每一條片都會想對某些人會有用嗎？有提供價值嗎？暫時我自問每條片都有提供價值的。有留言說幫到他們，是我做這頻道最開心的。🥰🥰
不過近來的確有點枯竭。原創內容不重覆，好難源源不斷... 不是拍片餐廳試食或讀一篇新聞，或任意找一本書去讀，可以源源不絕。這個是我近來最苦惱的問題。現在這種模式終有完結的一天。在轉型和減產休息再學習也有些掙扎。或者在其他方向做一些新嘗試。例如vlog返大陸拍退休相關的東西？或做一些健康題材或退休生活題材？或找些後生仔幫我開一些新節目...？

為個人成長？這個絕對有的。比起一年多前，我因為做了youtube, 而在各方面也有成長。在對政府和退休福利的認識，更了鶭自己的真正想法，說話技巧，說故事，整合事情，節奏，整片(比起其他人，現在也絕對不是好，但比一年前的出的片好了），對自媒體生態的了解等等，都有不少成長。也是我今年最大的得著，感恩🙏

為出名？ 我想N+TV和不鳥出名（即是人生中做了一些對別人有用的事），但我喜歡低調，出街不想任何人知道我是誰😂😂 最希望有一日在地鐵巴士睇到有人睇緊我的片🤣🤣

10萬訂閱？ 好想有呀😍😍 唐僧都會被蜘蛛精迷下... 我依家都被10萬訂閱的牌有貪著😂需要大家更多分享和支持❤️ 拎到之後就放下😂😂😂🤭🤭😆😆

各方面不斷120轉積極思考中😄😄

不鳥感恩報告 

慘！！ 😭 
大家睇左最新一集(第79集) - 一招增收入未呀？
政府有一項福利係好幫到基層家庭呀！！就係在職家庭津貼！
善用呢項福利，隨時每年多幾十萬，可以改變未來人生！！無誇張！😎

不過，不鳥訓醒收到一個惡耗😭 就係呢條新片踩中TVB版權，無廣告營利😭😭
即係辛苦跑足5日踩到零晨1-2點，最後一刻發現一切努力成泡影，$0收入。
上完片先之後知中版權，對一個Youtuber而言簡直係「難忍最痛算這種」🥲

人生呀～！😂😂😂😂😂 (烏鴉飛過.... 哈... ) 
諗起《那些年，我們一起追的女孩》沈佳宜一句：
「人生本來就有很多事是徒勞無功的啊」

對我有冇營利都係小事，都係$1-2千蚊(做足5日... 應該低過最低工資... 係愛定係責任... ? 😂)。
**但呢條片對基層家庭的含金就非常高了，一年多隨時多幾萬蚊用呀！
就算我無廣告營利，大家都一定要睇呀！！
仲要分享俾你身邊有需要的朋友睇呀！！ 
不鳥星期六先發現有呢一項福利，實在不得不和大家分享！

不鳥即刻轉念，「未來改變過去」，諗下計... 
1. 有一個方法解決收返錢，就係刪左新聞透視的內容，但係就無左條片的連貫性，無頭無尾。
2. 或將條片斬開2半分兩條片出，前半有TVB版權，但後半無，分2條片第二條都仲盈利到。
3. 由佢，接受無收入呢件事實，放低之前付出時間的損失(沉沒成本），順其自然。諗下次避免，小心D，整之前上載一次檢查下先之類... 

俾你會點做？🤔 


我又唔太想犧牲條片的可看性，因為都編排左好耐... 
有家有睇過，無左2段新聞透視或變成我口述內容，
無左主人翁自述，條片會變晒味咁... (創作者的堅持✊)

唯有自己思想轉化，上年Day 1第一日做左5-6個月未開通廣告，每星期上2條片都係$0 ... 
同自己講：「回饋社會，對社會做左件好事」😂 
呼籲未訂閱的朋友，希望下大家訂閱支持一下！
 https://www.youtube.com/channel/UCVvW... 

支持不鳥創作可以俾我一個超級感謝～

**最最最重要：如果身邊有朋友有需要Share呢條片俾佢地！感謝大家一直支持！感恩！🙏 

🫡報告，N+TV 50,000訂閱啦！！我好開心呀🤎💜🩵💙💚💛🧡🩷❤️感激各位長期支持的網友，也感謝新加入訂閱N+TV的朋友仔😊😊🙏🙏
成功由‘’Yo不鳥‘’變‘’You不鳥‘’，再進化做‘’Yout不鳥‘’😂 未來成為‘’Youtuber不鳥‘’還欠什麼？.....



係 "uber"🚙😂😂😂😂爛gag... 🤣🤣

應該係你地繼續支持先真💋💋❤️感謝大家給我發一個youtuber夢😊😊 其實好多網友在我一出片就馬上睇和留言支持，我都好感動🥹 如果有幸拿到10萬訂閱牌，那牌也是屬於你們的😊 每人都是10萬份1🤩

有時我會諗，5萬人，如果都係香港人，咁香港150人就有1個人訂閱左N+TV，咁坐地鐵車廂都有人睇，如果有一日坐地鐵見到有人睇我的片，我會笑出黎😂 所以如果你坐地鐵睇N+TV的片，而你旁邊有人偷笑，咁那個可能係不鳥😆

由上年開始做，每次上完一集都唔知下一集講咩好，本來想講財務自由，打算後期訜享講股票，期權和短炒等，但似乎唔太適合大眾（每次出都少人睇，也有人說我搭雞棚😂），咁慢慢講左退休和長者退休和一些政府福利政策，又好似多d人需要... 諗到咩就出一集... 
廣告：第77集“18個人生解困哲學”，整左50個鐘+...未睇的，希望大家去睇下啦，雖然和理財無關，但看一次，人生遇到某一個困局，諗起這條片某一個方法可能用得上。

下一集...諗左2日半，我都未諗到講咩好，真係有d江郎才盡，個腦靈感有d枯竭... 
所以睇下書展買關於如何說故事的書，也試下在youtube賣下廣告了解下youtube的生態，又睇下其他youtuber的片和奧運...睇下有冇靈感...都未有🧠💦😅😅 

如果下星期或出唔到片唔好出奇，或出左唔知咩內容或無聊的片，都支持睇下啦。😊

如果各位有任何題材，都可以提議下😘😘

真的很開心，與大家分享我的喜悅！🥳🥳
也再一次感謝大家的支持！❤️🙏🫶

N+TV 不鳥喜泣上 

又黎益力多格價... 超市百變的價錢...😆
小朋友真係要學好四則運算😂😂😂 

金句時間：一不貪心，二不輕信，三不自作聰明，安心老實享生活！
呢位伯伯就完美展示如何犯第三項😅😅 好彩冇左400萬仲識笑笑口...😆

東張西望 - 咁就冇左400萬....
 https://youtu.be/CYfe7PH-KlI