«ШАЯН ТВ» каналы балалар өчен сюрприз әзерләде! «ШАЯН Әлифба» проектын сез бик ошаттыгыз, ә хәзер саннарны бергәләп, җырлап өйрәнергә чакырабыз! «ШАЯН Саннар» – саннарны өйрәнүгә багышланган яңа мультипликацион YouTube проект. Саннарга өйрәтү балаларга җыр формасында тәкъдим ителә - бу исә укыту процессын тагын да кызыклырак һәм мавыктыргыч итә! Проект балаларга 0дән 10га кадәр цифрларны аерырга өйрәтә, игътибар һәм хәтер күнекмәләрен булдырырга ярдәм итә. 12 анимацион өйрәтүче роликны үз эченә алган мультсериал 3-5 яшьлек балалар өчен актуаль. Тәкъдим ителәчәк мәгълүмат балалар тарафыннан җиңел үзләштерүгә, ә анимацион рәсемнәр кечкенә балаларны татар халкының милли колориты белән таныштыруга юнәлтелгән.
![ШАЯН Саннар - 10 сан рәттән [0-9] Все цифры на татарском языке подряд!](/api/proxy/image?url=https%3A%2F%2Fi.ytimg.com%2Fvi%2F047EQWoo2Os%2Fsddefault.jpg)